DELTA portfolio digitala multimedia materialen multzoa da, LHko ikastetxeen errealitatea enpresetara hurbiltzeko diseinatutakoa. Lanpostuan ikasteko modalitateak askotarikoak dira herrialde guztietan, baina «ikasleak enpresari buruz jakin beharko lukeena» izan ohi da enpresaren eta LHko ikastetxearen arteko harremanaren oinarria. Nolanahi ere, enpresak informazio garrantzitsua galtzen du: nola ikasten den LHko ikastetxeetan, ikasleek nola lan egiten duten euren kideekin, ikastetxeak nola sustatzen dituen berrikuntza, sormena, arazoak modu autonomoan ebaztea eta lankidetza. Ildo horretan, ikasleek ideia berriak eskain diezazkiekete enpresei, eta enpresa barruan trebatzeko eta prestakuntza eguneratzeko kultura sustatzen lagundu.
Emaitza intelektual horren izaera berritzailea ikuspuntua aldatzean datza: enpresen beharrei garrantzia ematetik ikasleek ekar ditzaketen onurei erreparatzera igarotzea da kontua (enpresei «zer behar duzu?» galdetu beharrean «hau da zuretzat egin dezakedana» azaltzea).
DELTA portfolioa LHko ikasleei eta ikastetxeei zuzenduta dago. Ikasle bakoitzaren gaitasun bereziak eta ikastetxearen jarduerak aurkezteko erabil dezakete, enpresarekin harremanetan jartzen direnean ikasle batek praktikak edo prestakuntza duala bertan egin ditzan.
